पाणी हा मुंबईच्या अर्थव्यवस्थेचा भाग कसा झाला? नदीकाठच्या पाणलोट क्षेत्रातील आदिवासी ते मनमोहक समुद्राकिनाऱ्याचे संरक्षक कोळी बांधवांपर्यंत, नदीच्या वाळूच्या व्यापाऱ्यांपासून ते समुद्र, नद्या आणि तलाव यांच्या काठावर कॉंक्रिटचे जंगल उभे करणाऱ्या बांधकाम व्यवसायिकांपर्यंत, अनधिकृत बांधकामांच्या अतिक्रमणांपासून ते महानगरपालिकेने उभारलेल्या काँक्रिटच्या तटबंदींपर्यंत- मुंबईतील नद्या आणि समुद्रकिनारे पाण्याशी संबंधित व्यवसायांच्या खुणा अधोरेखित करतात. त्यातील काही ऐतिहासिक घटना असतील तर काही काळाची गरज असतील तर काही मात्र पाण्याच्या र्‍हासाला कारणीभूत असतील. पाण्याची विविध रूपे आणि त्या योगे एखाद्या व्यक्तीला अथवा समाजाला त्यापासून होत असलेला फायदा यामुळे पाणी आणि त्याचा आपल्या जीवनाशी असलेला संबंध याचे गणित नेहमी बदलत राहते.

उद्देश: "मी, माझे, आमचे!" हा दृष्टिकोन बाजूला सारून पाणी ही जीवनाश्यक गरज आहे असा सामूहिक दृष्टिकोन घडविणे.

कथानक: या शहराचे नागरिक आणि त्यांच्या जीवनातील पाण्याचा संबंध या मधील स्थित्यंतरे.

माध्यम: अनेक ठिकाणी लोकांच्या घेतलेल्या मुलाखतीतून व्यक्त होणारे पाण्यावर असलेले अवलंबत्व आणि कृतज्ञता.

संवाद: सामाजिक आणि राजकीय घडामोडींचा जलसंपदे वर आधारित अर्थकारणावरील प्रभाव आणि त्याचे भविष्य.